|
Хэвийн бодисын солилцооны үед хүний бие организмд чөлөөт радикалууд үүсч байдаг. Гэхдээ чөлөөт радикал /бусад молекултай нэгдэхийг эрмэлздэг хос биш электронтой молекулууд/ ихэсвэл эсийн мембраныг гэмтээж, эрт хөгшрөх, өвдөх, хавдар үүсэх аюулд хүргэдэг.
Чөлөөт радикалууд нь судасны хана, арьс, уушиг, булчин шөрмөс, яс мөгөөрс, холбоос эдүүдийг гэмтээдэг. Ингэснээр арьс хөгширч, үе мөчний, зүрх судасны, чихрийн шижин өвчнүүдэд өртөж цагаасаа эрт хөгширдөг байна. Чөлөөт радикалууд нь химийн хортой нэгдлүүд агаарын бохирдол, нарны хэт ягаан туяа, радиацын нөлөөгөөр ихэвчлэн үүсдэг.
Эдгээр чөлөөт радикалыг үүсэхээс хамгаалж байдаг антиоксидантуудад: Астаксантин, Витамин Е, Витамин С, Витамин А, Селен зэрэг орно. Антиоксидантууд нь чөлөөт радикалд дутагдаж байгаа электроныг нөхөж өгснөөр тухайн эсийг болон организмыг бүхэлд нь аюулгүй болгож хамгаалдаг. Сүүлийн үед витаминуудын бие организмыг хоргүйжүүлэх буюу исэлдэлтээс хамгаалах үйлдэл шинжлэх ухаанаар нотлогдоод байгаа билээ. Мөн хүчилтөрөгчийн дутлын үед бие организмыг хэвийн байдалд оруулж нөхөн сэргээх үйлчилгээ үзүүлж чаддаг болно.
Хамгийн хүчтэй антиоксидант бол Витамин Е, С. Антиоксидантуудыг хэрэглэснээр хорт хавдраас урьдчилан сэргийлэх, эд эсийн үйл ажиллагааг идэвхжүүлэн, зүрх судасны үйл ажиллагааг муудахаас хамгаалах, эрт хөгшрөлтийг зогсоох өндөр ач холбогдолтой байдаг бөгөөд Астаксантин, Витамин Е, Витамин С, Витамин А, Селен зэргийг өдөр тутамын хоол хүнсэндээ нэмэлтээр хэрэглэж байх нь таны эрүүл мэндэд тустай гэдгийг эмч, судлаач нар зөвлөж байна.
 |
