Орчин үеийн хүүхдүүд ясны сийрэгжилт, хортой, хоргүй хавдар, зүрх судасны дутагдал, тасалдал, элэг бөөрний архаг болоод хурц дутагдал, тархины цусан хангамжийн дутагдал, цус харвалт зэрэг өндөр настануудын өвчнөөр их өвчлөх боллоо.

Буруу хоол, тансаг хэрэглээнээсээ улбаатай дахин дахин өвдөөд байгаа боломжтой айлын, элбэг хэрэглээтэй ундаа жүүсээр унд хийж, өндөг хиам, бэлэн бүтээгдэхүүнээр хооллодог хүүхдүүдийн эрүүл мэнд ямар ихээр дордсон байдаг гээч.

Хүүхэд гэдэг бол бидний ирээдүй тиймээс ч бид хүүхдүүдээ багаас нь зөв хооллох талаар зааж сургавал тэдний эрүүл мэндийнх нь төлөө хийж байгаа хамгийн том хөрөнгө оруулалт байх болно. Үүний тулд эцэг эхчүүд бид өөрсдөө зөв хооллолтын талаарх мэдлэгээ дээшлүүлж, үлгэр дууриалал болохуйцаар зөв хооллож сурах шаардлагатай байна.