Хүний бие организмд бодисын солилцооны үед чөлөөт радикалууд байнга үүсч байдаг. Энэ нь агаарын бохирдол, тамхины утаа, нарны хэт ягаан туяа, буруу хооллолт зэргээс шалтгаалан  чөлөөт радикалуудыг байх хэмжээнээс нь хэт их хэмжээгээр үүсгэдэг.

Чөлөөт радикалууд ихэссэнээр эсийн мембраныг гэмтээж, эрт хөгшрөх, хавдар үүсэх, судасны хана, арьс, уушиг, булчин шөрмөс, яс мөгөөрс болон холбоос эдүүдийг гэмтээдэг.

Тэгвэл чөлөөт Радикалууд гэж юу вэ?

Эдгээр нь бусад молекултай нэгдэхийг эрмэлздэг хос биш электронтой молекулууд бөгөөд маш идэвхтэй, тогтворгүй, өөрт дутагдсан электроныг нөхөж авахын тулд бусад молекул руу үргэлж довтолж байдаг. Довтолгоонд өртсөн молекул электроноо алдан мөн л чөлөөт радикал эсвэл хавдарын эс болж орхидог. Иймэрхүү замаар гинжин урвал үргэлжлэн амьд эсүүдийг гэмтээдэг байна. Эдгээр чөлөөт радикалыг дарж байдаг зүйлс буюу антиоксидант бие организмд дутагдахад чөлөөт радикалууд хэт гаарч исэлжилт хурдацтай явагдсанаар бие организм өөрчлөлтөнд ороход хүрдэг.

Антиоксидант нь чөлөөт радикалд дутагдаж байгаа электроныг нөхөж өгснөөр тухайн эсийг болон организмыг бүхэлд нь аюулгүй болгож хамгаалдаг. Ингэснээр биед хуримтлагдсан өөх тос болон нүүрс усны илүүдлээс ангижирна. Сүүлийн жилүүдэд бие махбодийг нөхөн сэргээх, эд эсүүдийн гол хамгаалагч антиоксидант хэмээн шинжлэх ухаан болон эрдэмтэд нотолж байна. Эрдэмтдийн явуулсан судалгаагаар антиоксидант нь эрт хөгшрөлтийн процессыг удаашруулах, эд эсийн үйл ажиллагааг идэвхжүүлэн, хорт хавдар тусах эрсдлийг бууруулахаас гадна зүрх судасны өвчлөл, булчингийн дистрофии болон бусад олон өвчний эрсдлийг бууруулдаг болох нь батлагджээ. Бид шаардлагатай антиоксидантуудыг өдөр бүр хоол тэжээлээр авах боломжүй байдаг. Тиймээс  хүний биед шаардлагатай ялангуяа бие организмыг хэвийн байдалд оруулах нөхөн сэргээх онцгой үйлчилгээтэй С, А, Е витаминууд болон Астаксантин, Селен зэрэг бодисуудыг агуулсан бүтээгдхүүнүүдийг зайлшгүй хэрэглэх шаардлагатай.

Та эрүүл мэнд, гоо сайхнаа удаан хугацаанд залуу хэвээр хадгалахын тулд таны эд эсүүд чөлөөт радикалуудад довтлуулахгүй тогтмол шинэчлэгдэж байх нь чухал юм. Иймээс та байгалын гаралтай хүчтэй антиоксидант агуулсан  бүтээгдэхүүнүүдийг заавал хэрэглээрэй.