Хүний хоол боловсруулах урт хоолойн цүлхийсэн өргөн хэсгийг ходоод гэдэг. Ходоодны булчинлаг хана сунах чадвартай байдаг. Хоолыг шимэгдэхэд бэлтгэх нь ходоодны үүрэг. Нэг үгээр ходоод нь хайлуулж, холих үүрэгтэй. Бид хоолоо залгихын өмнө хоолоо зажилдагч бүрэн жижгэрдэггүй. Ингэж жижигрээгүй хоол ходоодонд ордог.

Ходоод дутуу зажлагдсан хоолыг боловсруулах гэж нэлээдгүй уддаг.
Бид наалдамхай шинжтэй будаа, цагаан гурил, байгалийн амьд хүчээ гээсэн хэт боловсруулсан хүнс байнга хэтрүүлэн хэрэглэдэг. Ийм хоол хүнс хэрэглэдэг хүмүүсийн ходоодны хана цардагдан шархны тав мэт наалдацтай болж, хоол боловсруулалт алдагдана.

Ингэснээр гэдэсний гүрвэлзэх хөдөлгөөн маш муу болно. Ходоод боловсруулж дийлэхгүй байгаа учраас уг хэрэггүй илүүдэл хоол хүнс нь гэдсэн дотор л хэвтэж байхаас өөр яахав. Зүгээр ч хэвтэхгүй муу дээрээ улам муу болоод л гадагшлах цагаа хүлээгээд л байж байдаг.

Хүний гэдсэнд илүүдэл хэрэггүй өтгөн хадгалагддаг. Ихэнх хүмүүс 2-4 хоног хүндэрдэггүй гэж ярьдаг. Энэ бол үнэхээр аймшигтай. Ингэж удаан өтгөнөө хадгалдаг хүмүүс ихэнхдээ бүдүүн бэлхүүстэй байдаг. Тэд эрүүл мэндээ бодохын оронд нарийхан бэлхүүстэй болохыг илүүд үздэг.

Хоол боловсруулах эрхтнүүдийн үйл ажиллагаа эрүүл, хэвийн хүн 12-14 цаг тутамд нэг удаа хүндрэх ёстой. Ингэхгүй бол биенд хор хуримтлагдан шингэж хүний эрүүл мэндэд сөрөг нөлөө үзүүлдэг байна. Үүний тулд эрүүл зөв хооллож, ширхэглэг эд сайн хэрэглэх, ус уух, хэвлийн дасгал тогтмол хийдэг байх хэрэгтэй.